حكاية حبيى انا

موضوع: حكاية حبيى انا 4/6/2008, 10:42 pm

حكايه حبي أنا ..........؟

اخر ما خطه قلمي بتاريخ أمس 9 مايو 2008

هذه هي حكايه حبي أنا كيف بدأت والحمد لله تحيا في قلبي حتي الان

حكايه حبي أنا ..... .....؟

أنا قلبي طب ودق ... أول ما شوفت عينيكي
أنا قلبي حن ولان ... لما عيني جت في عينيكي
سألت قلبي وقلت ... هي دي ولا
يا قلبي رسيني ... علي بر وأهديني

رد عليا وقال ... دي بينها هي
هي اللي بحلم بيها ... وارسم صور ليها
دايما علي بالي ... في حالي وخيالي
شديت أنا حيلي ... وبدأت أراقبها

عيوني فحصوها ... وبسرعه درسوها
وبقلبي حستها ... وبروحي مستها
سحرتني بجمالها ... وكلامها وقوامها
خفيفه حركتها ... وراسيه ماشيتها
وجميله ضحكتها ... ورزينه كلمتها

قررت أنا في بالي ... وفي عقلي وخيالي
أني لازم أبوح ... باللي شغل بالي

وفي يومها قولتلها ... أني مليش غيرها
عايش أنا ليها ... ومنايا أرضيها
نفسي ومني عيني ... تكوني نور عيني

ردت بكل كسوف ... وعينيها حاسه بخوف
أنا عمري ما حبيت ... ولا حتي في يوم هويت

قولتلها أنا فكري ... وأوعاكي تتسرعي
يومين أنا ولقيت ... رساله في التليفون

حبيبتي بتقولي

أوعاك تكون زعلت ... أو عني تكون بعدت
سيبها لرب الكون ... واللي يريده يكون

من يومها وأنا عايش ... في أحلي قصه حبي

حكايه حبي أنا .. ...؟

علي فكره هي لسه متعرفش حاجه عن القصيده دي
ولا حتي تعرف اني بكتب أصلاً أوعوا حد يروح يقولها
بس ان شاء الله هيوصلولها قريب اوي
دعواتكوا بدوام حبنا