انت حبيبى

ملاكي عشانك هأغني غنوتي

لانك يا روحي مسحت دمعتي

و بحنان قلبك سكنت مهجتي

انت لوحدك يا قلبي حبيبي

قبلك يا عمري ماتت فرحتي

و كنت عايش لوحدي غربتي

و دايما آهاتي كانت كلمتي

لكنك يا عمري نورت دنيتي

قبلك يا حياتي ما فيش حياة

ولا يوم يعدي علي من غير آه

و لا قمر ينور ليلي بضياه

و لا شعاع شمس احس بدفاه

لكنك يا حبيبي غيرت دنيتي

بايديك رسمت لي بسمتي

و نورت ليلي و أنستي وحدتي

و بقيت يا أملي كل دنيتي

هأقولك بحبك لانك جديرة بيها

و انتي عندي بالدنيا و ما فيها

و لو كنت وردة بدمي هارويها

لكنك ملاكي و بعمري افديها